CROSS-COUNTRY SKIING AROUND THE WORLD

Larsson, Hannes

ISBN 978-80-87169-28-5

256 paĝoj

16,5x24cm

25 EUR

solide bindita

La libro temas pri la popularaj longdistancaj konkursoj en kur-skiado. La aŭtoro Hannes Larsson estas tre konata ski-kuranto: li atingis 22 titolojn de Worldloppet Master, fondis Internacian Asocion de Worldloppet-kur-skiantoj (AWLS) kaj 9 jarojn estis ĝia prezidento. La unuaj du partoj priskribas la konkursojn de Worldloppet kaj de multaj aliaj skikonkursoj tra la tuta mondo. Sekvas du serioj de ĉapitroj pri la skisuferoj (vojaĝado, trejnado, malkomfortaj kondiĉoj, akcidentoj, ktp.) kaj pri “proksimaj renkontiĝoj de la unua speco”, en kiu Hannes rakontas pri multaj rimarkindaj personoj, kiujn li renkontis. En tiu parto estas priatentataj precipe la travivaĵoj kaj anekdotoj. Estas prikribitaj ankaŭ kelkaj teknikaj trajtoj de la konkursoj (lokigoj en start-tavoloj, start-ekipaĵoj, ktp.) kaj proponoj por iliaj pliboniĝoj. Kaj finfine Hannes, kiu parolas sep lingvojn, prezentas la internacian lingvon Esperanto. La libro estas kompletigita per 180 koloraj fotografaĵoj.