|
New Page 1
|  Loko:
Tradicia ekoturisma renkontiĝo de biciklantoj kaj piedturistoj okazos
ĉi-jare en Karlštejn (20 km sudokcidente de Prago), la loko en Bohemia
Karsto, kiu famiĝis pro la samnoma kastelo, sed kiu estas karakteriza
ankaŭ pro profundaj arbaroj kaj interesaj kalkaj terenaj formacioj: rokoj,
grotoj kaj kavernoj. Sed oni ekkonos ne nur Bohemian Karston, sed ankaŭ
la montetaron Brdy kaj unu tagon unu el la naturprotektitaj regionoj en
Prago mem (ja ne multaj scias, ke Prago havas ne nur la famajn vidindaĵojn
arkitektajn kaj kulturajn, sed ankaŭ naturajn).
Dum la tuta semajno oni loĝos en Karlštejn. Ĝi havas perfektan trajnan
konekton el Prago (minimume ĉiuhore, veturdaŭro 30 minutoj). Ĉiu aliĝinto
ricevos anticipe kaj la horaron, kaj priskribon, kiel atingi la lokon
ĉu per aŭto, ĉu el Pragaj stacidomoj kaj flughaveno per publikaj trafikiloj.
ATENTU! La 15-an de junio ni devas liberigi la rezervitajn neuzotajn ĉambrojn. Se vi aliĝos post tiu dato, bv. atendi kun la pago ĝis ni konfirmos, ke por vi estos ankoraŭ libera ĉambro (aŭ loko en plurlita ĉambro).
Poznámka a přihláška
pro platby v Kč
|
|
La programo
Oni loĝos en unu loko de kiu oni ĉiutage ekskursos tra la ĉirkaŭaĵo en du
grupoj, piede kaj surbicikle, kaj vespere oni ĝuos komunajn
programojn pri naturo, turismado, ekologio (la riĉeco de la vesperaj
programoj dependas de la sinproponoj de partoprenontoj).
La turismado
Ne temas pri sportaj konkursoj, sed pri ĝuo de naturo, tial la tagaj itineroj
por biciklantoj estos ne pli longaj ol 60 km, por pied-irantoj ne pli ol 20
km, eĉ kun eblo malplilongigi ilin per trajno aŭ aŭtobuso (aŭ male por sportemuloj
plilongigi ilin) laŭplaĉe.
Tranoktoj
Oni povas elekti laŭ siaj postulemo kaj poŝo inter simpla sporta tranoktejo
(kun etaĝaj litoj kaj komunaj duŝejo kaj necesejo trans la koridoro) aŭ modernaj
ĉambroj en pensiono, kies ekipaĵo egalas al tristela hotelo (propraj duŝejo
kaj necesejo, televidilo en ĉiu ĉambro, eblo de interreto). En la pensiono okazos
ankaŭ la komunaj vespermanĝoj kaj vesperaj programoj.
Partoprenkotizoj
Tranoktejo Sokol
(modesta) |
Prezo ĝis la 31.5.08 |
Prezo ĝis la 10.7.08 |
Prezo post la 10.7.08 |
EUR |
EUR |
EUR |
| Loko en |
kvarlita |
110 |
120 |
130 |
| dulita |
125 |
135 |
145 |
| Sola en ĉambro |
150 |
160 |
170 |
Pensiono
(nivelo de ĉambroj kiel tristela hotelo)
|
Prezo ĝis la 31.5.08 |
Prezo ĝis la 10.7.08 |
Prezo post la 10.7.08 |
EUR |
EUR |
EUR |
| Loko en |
kvarlita |
225 |
240 |
255 |
| trilita |
238 |
253 |
268 |
| dulita |
255 |
270 |
285 |
| Sola en ĉambro |
388 |
403 |
418 |
La kotizo enhavas 7 tranoktojn laŭ la elektita kategorio,
7 matenmanĝojn, 7 vespermanĝojn, fiksajn kostojn (luo de ĉambro por vesperaj
programoj, ricevotaj materialoj).
La kotizo ne enhavas veturkostojn dum la semajno, enirbiletojn,
tagmanĝojn, nek ajnajn asekurojn, pri kiuj zorgu ĉiu mem!
Atentu, ke kaze de via mendo de plurlita ĉambro sen reciprokaj indikoj de partnero(j) en la aliĝiloj, viaj mendoj estos traktataj laŭvice, laŭ ebloj donitaj de la ceteraj aliĝoj. Se mankos por vi partnero(j), vi devos surloke alpagi la diferencon por malplilita, aŭ eĉ por unulita, ĉambro, laŭ la vera situacio. Tial estas avantaĝe aliĝi tuj post la decido pri la partopreno.
Manieroj de pagoj
La kotizojn laŭ la elektita kategorio bonvolu pagi per unu el jenaj manieroj,
kiujn bv. ne forgesi indiki en la aliĝilo:
- al la konto kape-p ĉe UEA
- al la konto s-kape ĉe SAT
- al la konto ĉe Komerční banka Praha:
IBAN: CZ3301000000273484740227;
BIC (SWIFT) KOMBCZPPXXX
- per Eŭroĉeko (ĉe la du lastaj ebloj aldonante 10 EUR por la bankelspezoj)
Ĉe ĉiuj pagoj ne forgesu indiki la pagokialon: Ekotur2008.
Aliĝiloj
Ĉiu partoprenonto bonvolu sendi apartan aliĝilon al la adreso:
KAVA-PECH, Anglická 878, CZ-252 29 DOBŘICHOVICE;
Vi povas uzi ankaŭ la retadreson: info@kava-pech.cz
aŭ la fakson: +420 257 712 126.
Por la aliĝilo uzu la retan
aŭ paperan formularon
(per Adobe Acrobat
Reader).
Via aliĝo validas nur post la pago.
(supren)
|
